ភ្នំពេញ៖ សមត្ថកិច្ចជំនាញ និងជាមន្រ្តីជំនាញ ក.ប.ប. បានរកឃើញ និងដកហូតសាច់បង្កកប្រមាណ ៣ ៥០០ គីឡូក្រាម ក្រោយឆែកឆេរលើឃ្លាំងស្កុកនិងចែកចាយមួយកន្លែងរាជធានីភ្នំពេញ។
ការចុះដកហូតនេះធ្វើឡើងនៅថ្ងៃទី៣១ ខែតុលា ឆ្នាំ២០២៣ ដោយមន្ត្រីនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF លើទីតាំងឃ្លាំងស្ដុក និងចែកចាយសាច់បង្កកមួយកន្លែងស្ថិតនៅសង្កាត់ព្រៃស ខណ្ឌដង្កោ រាជធានីភ្នំពេញ។ ក្នុងប្រតិបត្តិការត្រួតពិនិត្យនោះមន្រ្តីជំនាញ ក.ប.ប. បានរកឃើញសាច់បង្កកហួសកាលបរិច្ឆេទប្រើប្រាស់ និងខូចគុណភាពចំនួន ៣ ៥០០គីឡូក្រាម។
ក្រោយពីបានរកឃើញមន្រ្តីជំនាញបានធ្វើការដកហូតយកម្ទេចចោលនៅទីតាំងចាក់សំរាមខណ្ឌដង្កោ។ ចំណែកឯម្ចាស់ទីតាំងត្រូវបានអញ្ជើញឱ្យចូលខ្លួនមកបំភ្លឺនៅអគ្គនាយកដ្ឋាន ក.ប.ប. តាមនីតិវិធី៕
ព័ត៌មានជាច្រើនទៀតសម្រាប់អ្នក
